Mareykanka ayaa si rasmi ah ugu dhawaaqay inuu Suuriya ka saaray liiska dalalka taageera argagixisada, go’aankaas oo si degdeg ah u dhaqan gelaya, isla markaana meesha ka saaraya xayiraadihii saarnaa Dimishiq muddo tobannaan sano ah.
Tallaabadan ayaa timid kadib dib-u-eegis ballaaran oo ay Wasaaradda Arrimaha Dibadda Mareykanku ku samaysay siyaasadaha gobolka iyo jihada ay marayaan isbeddellada siyaasadeed, iyadoo ujeeddadu tahay in la taageero soo kabashada dhaqaalaha Suuriya, dhiirrigelinta maalgelinta shisheeye iyo dib-u-dhiska kaabeyaasha dhaqaalaha.
Tallaabadan ayaa sidoo kale meesha ka saaraysa mid ka mid ah caqabadihii ugu waaweynaa ee sharci ee hor taagnaa maalgashiga iyo ganacsiga caalamiga ah.
Washington ayaa sheegtay in go’aankan lagu fuliyay wareegto fulineed (Executive Order) oo dib u habaynaysa qaab-dhismeedka sharciga ah ee la xiriira macaamilada maaliyadeed iyo shirkadaha caalamiga ah ee doonaya inay ka hawlgalaan gudaha Suuriya.
Si kastaba ha ahaatee, waxaa weli jiri doona habab kormeer iyo dabagal ah oo lagu hubinayo hufnaanta iyo daahfurnaanta lacagaha loo kala diro.
