Kooxda Arsenal ayaa noqotay kooxdii ugu horreysay ee u soo baxda finalka UEFA Champions League 2026, kaddib guulo isdabajooga oo ay ku muujisay awood iyo kalsooni
Arsenal ayaa haatan sugaysa kooxda ay la ciyaari doonto finalka, taas oo ka soo bixi doonta kulanka adag ee u dhexeeya Paris Saint-Germain iyo Bayern Munich.
Guushan ayaa ah mid taariikhi ah, maadaama ay ka soo wareegtay ku dhawaad 20 sano markii ugu dambeysay ee Arsenal ay gaarto finalka tartankan ugu weyn Yurub. Markii ugu dambeysay ee Arsenal finalka ciyaarto waxay ahayd 2006, balse markaas guuldarro ayay kala kulantay Barcelona.
Xilli ciyaareedkan, Arsenal ayaa soo bandhigtay qaab ciyaareed heer sare ah, iyadoo aan la kulmin wax guuldarro ah intii ay ku jirtay tartanka—arrin muujineysa sida ay kooxda u bislaatay.
Tababaraha kooxda iyo ciyaartoyda muhiimka ah ayaa door weyn ka qaatay guushan, iyadoo kooxda lagu ammaanay nidaamka ciyaareedkooda iyo awoodda ay u leeyihiin inay la tacaalaan cadaadiska kulamada waaweyn.
Taageerayaasha Arsenal ee caalamka oo dhan ayaa si weyn u soo dhoweeyay guushan, iyagoo rajeynaya in kooxda ay markan ku guuleysan karto koobka ay muddo dheer sugayeen.
“Waa farxad weyn in labaatan sano kadib aan usoo baxno finalka Champioka, waxaan ku rajo weynahay inaan ku guuleysanno. Aniga waxaan taagero Arsenal u ahay 12 sano” ayuu yiri Xalane Ciise oo kamid taageerayaasha Arsenal ee jooga Muqdisho.
Finalka Champions League 2026 ayaa la filayaa inuu noqdo mid xiiso leh,
Arsenal ma ku guuleysan doontaa mise kooxda ka soo baxda PSG iyo Bayern Munich ayaa hor istaagi doona.
